Shpronësime për ndërtimin e terreneve sportive në Tiranë! Miratohet fondi 76 milion lekë
Ministria e Infrastrukturës dhe Energjisë ka shpallur kërkesën për shpronësim, për interes publik, të pasurive të paluajtshme, pronë private, që preken nga ndërtimi i terreneve sportive në “Shkollën Kosova”, në Tiranë.
Subjekti kërkues i këtij projekti është Bashkia Tiranë.
“Personat që preken nga ky projekt, të cilët kanë emrin në tabelën e publikuar, dhe personat të cilët preken por nuk figurojnë në këto lista, jo më vonë se 15 (pesëmbëdhjetë) ditë nga publikimi në Fletoren Zyrtare, kanë të drejtë të paraqesin pretendimet e tyre, të shoqëruara me dokumentacionin përkatës, si edhe të shprehen nëse janë dakord me të dhënat e publikuara për përfundimin e procedurave të shpronësimit në Bashkinë Tiranë, si dhe në Ministrinë e Infrastrukturës dhe Energjisë” njofton ministria.
Vlera totale paraprake e shpronësimit është 76 milion e 213 mijë lekë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.