Shpronësimet në Unazën e Madhe, Qendro: Legalizim të banesës për ata që preken pjesërisht nga projekti
Kreu i Autoriteti Rrugor Shqiptar, Afrim Qendro deklaroi se familjet që nuk janë të pajisur me dokumente pronësie do të trajtohen me programet e strehimit të Bashkisë Tiranës. Ndërkohë që, për ato ndërtesa që janë në proces legalizimi e që preken pjesërisht nga projekti do të mundësohet pajisja me dokumente pronësie.
Paralelisht, kreu i ARRSH bëri publik dhe planin e menaxhimit të trafikut, në kuadër të zbatimit të punimeve për këtë segment të unazës së madhe. Ndërtimi i segmentit nga Pallati me Shigjeta deri te rrethrrotullimi i sheshit Shqiponja, me një gjatësi prej rreth 2.4 km do të kushtojë 40 milion euro, ndërsa është i ndarë në 3 lote, duke u zbatuar nga 3 kompani të ndryshme. Punimet do të zgjatin 24 muaj.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.