Shpronësohen pronarët që preken nga ndërtimi i segmentit rrugor “Buzuq – Çorovodë”
Ministria e Infrastrukturës dhe Energjisë, Agjencia Shtetërore e Kadastrës dhe Autoriteti Rrugor Shqiptar ngarkohen në shpronësimin e pronarëve të pasurive të paluajtshme, pronë private, që preken nga ndërtimi i segmentit rrugor “Buzuq – Çorovodë”.
Pronarët e pasurive të paluajtshme, do të shpronësohen me një vlerë të përgjithshme rreth 1.4 milion lekë.
Shpronësimi fillon menjëherë pas botimit të këtij vendimi në “Fletoren zyrtare” dhe do të përfundojë tre muaj pas datës së hyrjes në fuqi të tij.
Afati i përfundimit të punimeve do të jetë në përputhje me afatet e parashikuara nga ARRSH-ja.
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.