Shqipëria, destinacion për 2019 – “Booking.com”: Do të jetë ndër 10 vendet më të vizituara
E ndërkohë që shqiptarët e gjejnë parajsën diku gjetkë nëpër Europë apo më tej, paradoksalisht, Shqipëria duket se mund të jetë parajsa e të tjerëve. “Booking.com”, që është një ndër faqet më prestigjioze në botë të prenotimit të strukturave akomoduese, e rendit Shqipërinë ndër 10 destinacionet e 2019-ës. Kjo listë është bërë duke verifikuar eksperiencat e mbi 163 milionë vizitorëve si dhe kërkimet mbi 21.500 udhëtarë, duke dalë në fund me parashikimet për vitin e ardhshëm.
Shqipëria nuk është i vetmi vend surprizë e listës. Vendi ynë përfaqësohet për të huajt me Ksamilin. “Nëse nuk e ke lidhur më parë Shqipërinë me plazhet e bardha dhe me ujerat kristal, atëherë do të duhet ta rishqyrtoje”-këshillon prestigjiozja. “Përdoruesit e `Booking.com`e sugjerojnë Ksamilin për ushqimin e detit, pamjen si dhe njerëzit miqësorë”, thuhet më tej mes rreshtave.
Shqipëria dhe Leeuwarden në Holandë janë dy destinacionet e vetme europjane pjesë e kësaj liste. Destinacionet e tjera janë në Rwanda, Meksikë, Gjeorgji, Jordani, Uzbekistan, Indonezi, Kolumbi, Marok.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.