“Shqipëria dhe Ballkani, më pranë BE” – Varhelyi: 9 miliard euro grante dhe 20 miliard euro investime për rajonin”

Komisioneri i Bashkimit Europian për Zgjerimin dhe Fqinjësinë, Oliver Varhelyi, ka mbajtur një fjalim në Kuvendin e Shqipërisë, nga ku i është drejtuar shqiptarëve se e ardhmja është në Bashkimin Europian. gjatë fjalës së tij, Varhelyi premtoi se Komisioni Europian do qëndrojë pranë me vendet e Ballkanit Perëndimor dhe do punojë fort që vendet e rajonit të jenë shtete anëtare të unionit. Komisioneri rikonfirmoi angazhimin e Bashkimit Europian për të mobilizuar rreth 9 miliardë euro në formën e granteve dhe rreth 20 miliardë euro në formën e investimeve në Ballkanin Perëndimor.

“Ballkani ka qenë përparësi për këtë komisionin, që prej ditës së parë që nisëm punën kemi qenë tërësisht të angazhuar për të treguar rezultate dhe për të mbajtur premtime. E ardhja e të gjithë rajonit është në bashkimin evropian dhe t’ju sjellim më afër. Tre janë objektivat tona të vijojë procesin e zgjerimit, të integrojmë sa më shpejtë Shqipërinë dhe konvergjenca ekonomike. Kemi kaluar ngërçin që kishim në këshill për çeljen negociatave për Shqipërinë dhe Maqedoninë e Veriut dhe për këto dy vende është hapur rruga dhe në Këshill vijojnë ende diskutimet për të mbledhur konferencën e parë ndërqeveritare. Ne duam ta mbyllim sa më shpejt hendekun ekonomik mes rajonit dhe BE. Sa më shpejt ta mbyllim këtë hendek aq më shumë kemi bashkëpunim të fortë dhe aq më shpejt do integroheni. Ky plan i investimeve ekonomike do të shërbejë për rimëkëmbjen afatgjatë për të vijuar me rritjen ekonomike, zbatimin e reformave për të ecur drejt BE për të sjell rajonin më afër tregut të BE. Ne synojmë të mobilizojmë 9 miliardë euro me anë e granteve” 

Referuar raport-progresit, Varhelyi tha se Shqipëria ka bërë përparim vendimtar dhe është pranë përmbushjes së gjitha kushteve që duhen para konferencës ndërqeveritare, por shtoi se Reforma Zgjedhore është një kusht për të çelur këtë konferencë për negociatat e anëtarësimit.

“Shqipëria ka ndjekur me vendosmëri reformat dhe vendi ka bërë përparim dhe është shumë pranë përmbushjesh së kushteve për të hapur konferencën e parë ndërqeveritare. Vlerësojmë punën e bërë deri tani me reformat. Zbatimi i ligjit dhe Reforma në drejtësi ka bërë një rrugëtim të mirë, sidomos me procesin e vettingut ku përparimi ka qenë i qëndrueshëm dhe vlerësojmë punën e madhe e bërë deri më tani. Janë hapur edhe dy procese ku Gjykata e Lartë ka fituar kuorumin dhe është funksionale. Edhe zbatimi i ligjit dhe lufta kundër krimit ka bërë përparësi, ku drejtësia e re ka pasur zbatimin ku e kemi parë në operacionet e mëdha edhe ndërkombëtare. Inkurajoj të gjitha palët të mbajnë fokusin në këto reforma të domosdoshme përfshirë edhe 5 qershorin. Kam mirëpritur marrëveshjen e 5 qershorit, zbaton rekomandimet e OSBE/ODIHR-it. Reforma zgjedhore është kusht për konferencën e parë ndërqeveritare. Vijimësia e këtyre reformave do të jetë e rëndësishme sa i përket kuadrit negociues, institucionet duhet të punojnë me njëra-tjetrën për të ecur drejt integrimit” – u shpreh Komisioneri për Zgjerim.

Gjatë vizitës së tij zyrtare në Shqipëri, Varhelyi zhvilloi një konferencë për mediat me kryeministrin Edi Rama, ndërsa më pas u takua me drejtuesit e vetingut, me presidentin Ilir Meta dhe me kryetarin e Partisë Demokratike, Lulzim Basha.

Lidion Kulla / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.