Shqipëria dhe Kina forcuan marrëdhëniet tregtare në janar! Eksportet u rritën me 132,7 %
Në muajin janar të këtij viti, Shqipëria ka pasur rritjen më të lartë në përqindje të eksportit të mallrave me Kinën (132,7 %) . Referuar të dhënave të tregtisë së jashtme të publikuara nga INSTAT, në janar 2021, Shqipëria eksportoi në Kinë mallra në vlerë 704 milion lekë. Në janar të vitit të kaluar, eksportet ishin në nivelin e 302 milionë lekëve.
Po ashtu, edhe importet u rritën. Në janar 2021 importet ishin në vlerën 4 miliardë e 888 milionë lekë duke njohur rritje në krahasim me janarin e kaluar ku importet ishin 4 miliardë e 122 milionë lekë.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.