Shqipëria dhe Maqedonia e Veriut bien dakord për pikë ndërkufitare “One Stop Shop”. Denaj me ministrin Bekteshi: Lehtësi për mallra e qytetarë
Shqipëria dhe Maqedonia e Veriut kanë rënë dakord për ngritjen e një pike ndërkufitare “One Stop Shop” për lehtësimin e lëvizjes së mallrave dhe qytetarëve të dy vendeve. Lajmi bëhet i ditur nga ministrja e Financave Anila Denaj pas takimit që pati me Ministrin e Ekonomisë së Maqedonisë së Veriut, Kreshnik Bekteshi.
“Bashkëpunimi ekonomik dhe bashkërendimi i politikave për nxitjen e investimeve të huaja duhet të jetë një qasje strategjike e përbashkët, me synimin për të krijuar një ekonomi shkallë jo vetëm midis dy vendeve, por në të gjithë rajonin” u shpreh ministrja pas takimit.
Referuar të dhënave më të fundit të INSTAT, Shqipëria dhe Maqedonia e Veriut kanë një nivel shkëmbimesh tregtare që në periudhën janar-gusht kanë arritur në nivelin e 5.7-6 miliardë lekëve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.