Shqipëria dhe Maqedonia, në ‘garë’ për Kosovën/ Instat i Kosovës: Dy shtetet me pjesëmarrjen me të lartë të importit nga CEFTA!

Si Shqipëria, ashtu dhe Maqedonia, janë dy vendet që kanë eksportuar më shumë në Kosovë përgjatë muajit Maj, krahasuar me vendet e tjera të marrëveshjes së CEFTA-së.

Sipas Institutit të Statistikave në Kosovë, nga 50.3 milionë euro mallra të importuara nga vendet e CEFTA-së, ‘pesha’ e Shqipërisë është 7.3 % dhe po njësoj ajo e Maqedonisë, 7.3 %

Serbia, për të mos thënë se ‘ka dalë jashtë loje’, zë 0.2 % të importeve nga vendet anëtare të CEFTA-së.

Kjo e fundit, nga 39.3 milionë euro mallrat të eksportuara në Maj të vitit 2018 në Kosovë, ka eksportuar  519 mijë euro mallra, në Maj  2019.

Në muajin Maj, sipas Agjencisë së Statistikave të Kosovës, partnerët më ‘të fortë’ tregtar në import për Kosovën kanë qenë Gjermania dhe Turqia, me afro 38.5 milionë euro import mallrash secila.

Kina është e treta në radhë si partner tregtar përsa i përket importit të Kosovës, me 30.7 milionë euro mallra të eksportuara në këtë të fundit.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.