Shqipëria “e preferuar” për qëllime biznesi – Në dy muaj, numri i vizitave 30% më i lartë!
Në vetëm dy muajt e parë të këtij viti, Shqipëria ka pasur 12 mijë e 380 vizitues me qëllime biznesi dhe profesionale. Referuar INSTAT, vihet re një rritje e ndjeshme me rreth 30 përqind krahasuar me vitin e kaluar.
Numri i vizitave me po të njëjtin qëllim për dymujorin e parë të 2018-ës ka qenë 9 mijë e 632. Shifrat flasin pozitivisht për mundësi të reja biznesi nga investitorë shqiptarë apo të huaj.
Nga ana tjetër, lëvizjet e shtetasve me qëllime të tjera si pushime apo ndalesa transit kanë qenë më të vogla në numër se sa në dymujorin e parë të 2018.
Një rritje të vogël ka pasur vetëm në vizitat me qëllime fetare dhe ato shëndetësore.
J.V/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.