Shqipëria kërkon 600 milionë euro në tregjet ndërkombëtare! Eurobondi i ri, Ministria e Financave publikon detajet
Ministria e Financave ka publikuar detajet e emetimit të Eurobondit. Qeveria shqiptare pritet të kërkojë deri në 600 milionë euro borxh në tregje.
Afati i maturimit të borxhit që pritet të merret në maj është 7-10 vite. Në vitin 2018, Shqipëria mori borxh 500 milionë euro me interes 3.5 %. Kjo është hera e katërt që Shqipëria emeton Eurobond, raporton SCAN.
Pak javë më parë Ministria e Financave ka hapur tenderin për përzgjedhjen e konsulentit për procesin e emetimit të Eurobondit të ri. Kohëzgjatja e kontratës ose afati kohor për ekzekutimin është duke e filluar nga data e nënshkrimit të kontratës deri më 31.12.2020. Parashikohet që kohëzgjatja normale e procesit të jetë 8-12 javë, por kjo nuk përjashton mundësinë që autoritetit t’i duhet konsulenca edhe përtej këtij afati, në varësi të kushteve të tregut. Rrjedhimisht shërbimi i konsulentit duhet të kërkohet për aq kohë sa zgjat procesi i emetimit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.