Shqipëria mbështet Kosovën për reciprocitetin – Rama: Serbia, manovra teatrale-luftarake në kufi! E drejta është me Prishtinën
Pas ceremonisë shtetërore me të cilën u prit në Prishtinë, dhe pas takimit me Kryeministrin Albin Kurti, kreu i qeverisë Edi Rama i ka dhënë plotësisht të drejtë Kosovës lidhur me çështjen e targave, duke i konsideruar veprimet e Serbisë shfaqje teatrale të nuk mbrojnë aspak qytetarët serbë në veriun e Kosovën sikundër pretendohet nga Beogradi zyrtar. Rama risolli në vëmendje edhe qëndrimin e tij në Asamblenë e OKB-së, ku kërkoi njohjen e Kosovës, duke i bërë thirrje Serbisë të shkëputet nga e kaluara.
Për kryeministrin shqiptar e drejta është me Kosovën dhe këtu nuk ka asnjë dyshim, ndërkohë që akuzoi Serbinë se po bën mizën buall.
Kreu i qeverisë së Kosovës, Albin Kurti, tha se do punohet për një treg unik, që qytetarët dhe mallrat të lëvizin sa më lirshëm, duke paralajmëruar Në nëntor mbledhjen e përbashkët mes dy qeverive.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.