Shqipëria me Kod të ri Penal – Gjonaj: Ligji aktual lë vend për abuzime. Rakipi: Konfiskim të gjitha pasurive kriminale
Ministrja e Drejtësisë Etilda Gjonaj prezantoi të premten projektin për një Kod të ri Penal. Përmes një komunikimi me mediat, Gjonaj tha se Kodi Penal actual paraqet problematika të shumta e boshllëqe ligjore, të cilat lënë vend për abuzime.
Ishte Drejtori i Shkollës së Magjistraturës Arben Rakipi ai që shpjegoi teknikisht risitë që do të sjellë Kodi i ri Penal. Konventat ndërkombëtare të të drejtave të njeriut, dekriminalizimi i veprave të lehta penale, trajtimi penal i personit juridik, por edhe konfiskimi i pasurive të prodhuara nga aktiviteti criminal do të jenë risitë kryesor të Kodit të ri.
Në vijim projekti për Kodin e ri Penal do nisë serinë e konsultimeve publike me institucionet shtetërore, organizatat jofitimprurëse e shoqatat e ndryshme.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.