Shqipëria me Qendër të Pritjes për Azil – Garanton pranim dhe akomodim për kërkuesit e mbrojtjes ndërkombëtare
Nëpërmjet një njoftimi të publikuar në faqen zyrtare të Kryeministrisë, është bërë me dije se Këshilli i Ministrave ka vendosur organizimin dhe funksionimin e Qendrës së Pritjes për Azil si person juridik publik buxhetor, në varësi të ministrit përgjegjës për çështjet e azilit, me seli në Tiranë.
Qendra e Pritjes për Azil do të financohet nga buxheti i shtetit dhe nga burime të tjera të ligjshme. Buxheti i qendrës është pjesë e buxhetit të ministrisë që mbulon çështjet e azilit.
Qendra e Pritjes për Azil ka si mision të garantojë pranimin dhe akomodimin kolektiv të kërkuesve për mbrojtje ndërkombëtare.
Qendra e Pritjes për Azil ka këto përgjegjësi:
a) Organizon punën për të siguruar pranimin kolektiv të kërkuesve për mbrojtje ndërkombëtare;
b) Organizon punën për të siguruar ofrimin e standardeve të jetesës së përshtatshme për kërkuesit e mbrojtjes ndërkombëtare;
c) Organizon punën për të siguruar zhvillimin e programeve pedagogjike e edukuese dhe këshillimin ligjor falas për kërkuesit e mbrojtjes ndërkombëtare.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.