Shqipëria me trend rritës të personave që shtrohen në spital nga COVID. 71 raste të reja në 24 orët e fundit. 3 viktima, mes tyre dhe një mjek

Shqipëria vijon të njohë një trend rritës të numrin të personave që po përfundojnë në spital si rrjedhojë e infektimit me COVID si dhe të humbjes së jetëve njerëzore.

Eugena Tomini nga Instituti i Shëndetit Publik bëri të ditur se në 24 orët e fundit, 3 persona kanë humbur jetën, mes tyre dhe një mjek 69 vjeçar nga Puka.

Sa i përket numrit të infektimeve të konfirmuara në 24 orët e fundit,  nga 459 testime, 71 raste kanë rezultuar pozitive.

Ndërkohë, në Spitalin Infektiv janë 78 pacientë të shtruar, 9 në gjendje të rëndë dhe 2 të intubuar. Numri më i madh i rasteve është në Tiranë.

Ndërkohë, në 24 orët e fundit janë 45 të shëruar, duke e çuar numrin e të shëruarve në total që nga fillimi i pandemisë në 1702.

Në vendin tonë janë aktivë me virusin 1183 persona, kryesisht në Tiranë, Shkodër, Krujë dhe Durrës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.