Shqipëria merr ‘dritë jeshile’ për negociatat / Drejtues të BE-së dhe ambasadorja amerikane urojnë vendin tonë
Komisionieri për Zgjerim, Oliver Varhelyi ka dhënë një lajm të mirë për Shqipërinë dhe Maqedoninë e Veriut në këto ditë të zymta, teksa pandemia e koronavirusit po ‘eklipson’ mendjet e qytetarëve.
Nëpërmjet një video-konference Këshilli i Ministrave të Jashtëm të BE-së ka zhvilluar një mbledhje të martën për të diskutuar mbi hapjen e negociatave me dy vendet e Ballkanit Perëndimor .Komisioni Evropian kërkoi hapjen e negociatave duke argumentuar se, si Shqipëria ashtu edhe Maqedonia e Veriut kanë ndërmarrë reforma dhe janë gati për nisjen e bisedimeve për anëtarësim në BE.
Ministrat kanë gjetur një konsensus politik për këtë temë duke dhënë miratimin poziiv, me arsyet se të dyja vendet kanë kryer reformat e domosdoshme që i plotësojnë standartet e BE-së.
Lajmin e gëzueshëm e ka njoftuar në Twitter, edhe vetë Komisioneri për Zgjerim.
“I lumtur, që vendet e Bashkimit Europian arritën një konsensu politik për hapjen e negociatave me Maqedoninë dhe Shqipërinë. Me gjithë zemër uroj të dy vendet. Ky është një mesazh i qartë se e ardhmja e Ballkanit Perëndimor është në BE”, shprehet ai.
Very pleased that #EU member states today reached political agreement on opening of accession talks with #Albania and #North #Macedonia. I wholeheartedly congratulate both countries. This also sends a loud and clear message to #WesternBalkans: your future is in EU.
— Oliver Varhelyi (@OliverVarhelyi) March 24, 2020
Gjithashtu me urimet nuk ka munguar as Ministri i Jashtëm gjerman, Michael Roth:
“Një lajm i mirë në këto kohë të errëta. Më në fund dritë jeshile sot nga Këshilli i Ministrave për Evropën për hapjen e negociatave për miqtë tanë nga Maqedonia e Veriut dhe Shqipëria. Fitore për BE, fitore për Ballkanin Perëndimor. Urime Tiranës dhe Shkupit, e meritoni”, shprehet z. Roth.
Good news in these gloomy times: finally green light in today's Council of Ministers for Europe Video Conf for opening of #EU accession talks with our friends from #Northmacedonia + #Albania. Win-win for EU and #WesternBalkans. Congrats to Tirana+Skopje, it’s well deserved.
— Michael Roth MdB 🇪🇺 (@MiRo_SPD) March 24, 2020
Në Twitter, gjithashtu është shprehur edhe ambasadroja Yuri Kim:
“Vendimi i BE për të hapur negociatat me Shqipërinë, reflekton punën e vështirë të qeverisë shqiptare dhe popullit të saj. SHBA do të vazhdojë të mbështesë fuqishëm reformat dhe hapat e tjera të nevojshme për të arritur anëtarësimin. Urime dhe suksese”, shprehet znj. Kim.
#EU decision to open accession talks w/#Albania reflects hard work by Albanian govt & people. US will continue to strongly support reforms & other steps necessary to achieve membership. Urime dhe suksese! https://t.co/War695nLD2
— Ambassador Yuri Kim (@USAmbAlbania) March 24, 2020
Pas këtij vendimi pozitiv, Këshilli Evropian (kryetarët e shteteve të vendeve anëtare të BE) gjithashtu do të marrin vendim për këtë çështje. Deri tani ende nuk është përcaktuar se kur do të mbahet takimi me këtë axhendë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.