Shqipëria ndër destinacionet më të mira për 2018 – “Irish Time”: Më e lirë se Italia e Kroacia

Shqipëria vijon të cilësohet si një nga destinacionet turistike europiane më të mira për vitin 2018. Kësaj radhe është gazeta irlandeze “Irish Times” e cila e ka listuar atë ndër vendeve që duhen vizituar gjatë këtij viti, ose të paktën një herë në jetë.

E renditur mes vendeve të tilla si Spanja, Turqia, Antarktida, Azerbajxhani, Franca, etj, “Irish Time” e konsideron Shqipërinë më të lirë se Italia apo Kroaci.

E ndërsa i cilëson plazhet e vendit të bukura, e fshatrat si vende të pazakonta, artikulli vijon më tej edhe me qytetet mesjetare të Krujës, rrënojat e Apollonisë, Beratin dhe ish kishat bizantine e arkitekturën osmane.

 “Nuk është vendi i parë që një familje mund të mendojë për të udhëtuar, e  as më e lehtë për t’u arritur, do të duhej të udhëtonit përmes Manchesterit, por ka risi dhe është shumë më e lirë se Italia e Kroacia.”

“Irish Time” ndalet gjithashtu te restorantet, akomodimi e makinat, të cilat i cilëson si edhe shumë të lira.

“Makinat këtu janë më pak se 10 euro në ditë dhe restorantet e akomodimet janë të lira. Dhe dielli do të shkëlqejë.”

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.