Shqipëria, ndër vendet me internetin më të lirë në botë – Fiton 2 pikë nga renditja e 2017-ës
Shqipëria ka fituar dy pikë në listën e vendeve me internetin më të lirë në botë. Të dhënat janë përpunuar nga Cable.co.uk, që e rendit vendin tonë këtë vit 44-in, me një paketë të internetit me brez të gjerë me kosto mesatare mujore prej 33.17 dollarë në muaj. Vitin e kaluar, Shqipëria listohej në vendin e 44-ët me një paketë prej 39.39 dollarë në muaj, pra 1.22 dollarë më shumë.
Ndërkohë, vendin e parë në botë për internetin më të lirë e mban Ukraina, që njëkohësisht ka edhe internetin më të shpejtë. Megjithatë, aksesi është relativisht i ulët, pasi vetëm gjysma e popullsisë ka qasje në internet. Ndërsa, sa i takon vendit me internetin më të shtrenjtë në botë, ‘fronin’ e mban Mauritania në Afrikën e Jugut, me një çmim mesatar prej 768.16 dollarë në muaj.
Raporti i Cable.co.uk përfshin të dhënat për 195 vende të mbledhura për periudhën 15 gusht-20 shtator. Sipas analistit të Cable.co.uk, Dan Howdle, të dhënat luahten herë pas here nga vendi në vend, ndërsa shtoi se çmimi mesatar i internetit në mbarë botën mbetet kryesisht i pandryshuar, duke rënë vetëm 1.64% që nga tremujori i katër i vitit të kaluar.
Evropa në zhvillim ka qenë prej kohësh e njohur për shpejtësinë e internetit të saj, e cila është bërë një faktor kyç në rritjen e rajonit si qendër teknologjike.
Genta Dobra/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.