Shqipëria “ndërpret” eksportin me Zvicrën – Instat: Rënie drastike në Prill me 96 përqind!
Referuar publikimit të fundit të Institutit të Statistikave, Shqipëria pothuajse ka ndërprerë eksportin me Zvicrën në Prill.
Përgjatë këtij muaji, mallrat e eksportuara në Zvicër kapin vlerën e 30 milionë lekëve, ndërsa për prillin e vitit 2018, kjo vlerë është 979 milionë lekë.
E kundërta ka ndodhur me importet! Sipas INSTAT, vlera e mallrave të importuara është rritur në mënyrë të konsiderueshme.
Në prill të 2018 –ës, importet me Zvicrën shënojnë vlerën e 508 milionë lekëve, ndërsa në prill të 2019-ës kjo vlerë është mbi 1.2 miliardë lekë.
Përsa i përket Bashkimit Europian, në Prill 2019, mallrat që kanë pasur si destinacion vendet anëtare zënë 72,2 % të eksporteve totale dhe importet nga vendet e BE-së zënë 59,1 % të importeve gjithsej.
Partnerët kryesorë tregtarë janë: Italia (31,2 %), Greqia (7,9 %), Kina (7,0 %) dhe Turqia (6,8 %).
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.