Shqipëria rikthehet në trend rritës të rasteve të konfirmuara me COVID! Rastet e reja, më së shumti në Shkodër
Në Shqipëri duket se është rikthyer trendi në rritje i numrit të rasteve të konfirmuara pozitivë me COVID-19. Për të tretën ditë me radhë, Ministria e Shëndetësisë njofton një numër në rritje të personave që konfirmohen pozitivë.
Në 24 orët e fundit, nga 193 testime në persona të dyshuar, 21 raste kanë rezultuar pozitivë. Nga rastet e reja, rritjen më të madhe e ka Shkodra me plus 13 persona të prekur për të vijuar më pas me Tiranën me 6 raste të reja, Durrësin 1 rast të ri dhe Hasin me 1 rast të ri.
Drejtuesja e ISHP-së Albana Shtylla tha se në listën e rasteve të reja janë shtuar dhe 1 personel mjekësor dhe 2 fëmijë që janë asimptomatikë. Ndërkohë, në total, janë bërë 4 mijë e 70 testime nga të cilat pozitivë kanë rezultuar 467 persona.
Sa i përket të shtruarve në spital, në total janë 52 pacientë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.