Shqipëria “thith” shqiptarët e Kosovës/ Mbi 300.000 hyrje më shumë se në 2020! Shifra tejkalon edhe vitin 2019
Shqiptarët e Kosovës kanë përmbysur ndjeshëm shifrën e hyrjeve në Shqipëri, jo vetëm sa i takon vitit të shpërthimit të pandemisë, por edhe vitit 2019!
Sipas publikimit më të fundit të Institutit të Statistikave, në janar – maj 2021 ka pasur 525 mijë e 359 hyrje të shtetasve nga Kosova; 336 mijë e 714 më shumë se në vitin 2020, si dhe 130 mijë e 260 më shumë se në pesëmujorin e parë të vitit 2019.
Trendi në fakt duket të vijojë edhe për pjesën e mbetur të vitit. Në maj 2021, hyrjet e shtetasve nga Kosova rezultojnë 143 mijë e 970, ndërsa në maj 2020, shifra ishte 6 mijë e 457, si dhe në maj 2019, 78 mijë e 878.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.