Shqipëria uli shkëmbimet me Kosovën e Maqedoninë! Si kanë ndryshuar shifrat import/export në shkurt 2018
Muaji shkurt i vitit 2018 është mbyllur me “bilanc negativ” të nivelit të shkëmbimeve tregtare me Kosovën dhe Maqedonisë. Kështu për muajin shkurt 2018 eksportet kanë pasur uljen më të madhe me Kosovën ku rënia është me -16,1 për qind, Maqedoninë -29,8 për qind dhe Serbinë me -1,5 %.
Me Kosovën
Nëse analizojmë të dhënat e INSTAT, rezulton se gjatë muajit shkurt të vitit 2018, Shqipëria ka eksportuar 1.2 miliard lekë mallra nga Kosova, duke shënuar një rënie me më shumë se 200 milion lekë krahasuar me të njëjtën periudhë të një viti më parë.
Po ashtu, edhe importet kanë shënuar rënie ku gjatë shkurtit 2018 rezulton se janë importuar 472 milion lekë mallra, 33 milion lekë më pak se në shkurtin e vitit 2017.
Me Maqedoninë
Në Maqedoni, Shqipëria ka eksportuar gjatë shkurtit 2018, 426 milion lekë mallra. Në krahasim me shkurtin e 2017, eksportet drejt Maqedonisë kanë shënuar rënie me 182 milion lekë.
Edhe importet kanë shënuar rënie. Në shkurt 2018, Shqipëria importoi nga Maqedonia 557 milion lekë mallra, duke shënuar një rënie me 5 milion lekë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.