Shqiptarët bashkohen në peticion për revokimin e çmimit “Nobel” për Peter Handke

Një ditë pas ndarjes së çmimeve Nobel, konkretisht atij të Letërsisë për shkrimtarin austriak, Peter Handke, nuk ka vonuar nisja e një peticioni online kundër këtij vendimi ndaj Akademisë Suedeze që realizoi eventin. Shqiptarët janë bashkuar në një peticion për revokimin e këtij çmimi, pasi Handke përveç të qenurit një shkrimtar i shquar, me stil të veçantë prozaik, ai njihet në mbarë botën për mbrojtjen e vazhdueshme të ish presidentit serb, Sllobodan Milloshevic.

Ishte viti 2006 kur Sllobodan Millosheviçi ndërroi jetë, dhe në funeralin e tij laureati i sotëm i “Nobelit” për letërsi, i mallëngjyer u shpreh: “Afër Jugosllavisë, afër Serbisë, afër Millosheviçit”. Për Handken, gjithë ajo çfarë ka bërë Millosheviçi ka qenë “për ta mbrojtur popullin e tij”, deklaratë kjo e dhënë gjatë funeralit në Beograd, para një turme të madhe nacionalistësh radikalë serbë.

Për të firmosur këtë peticion mund të klikoni këtu

E.S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.