Shqiptarët festojnë Kurban Bajramin – Mijëra qytetarë në sheshe dhe xhami, Spahiu: Të shpërndajmë sa më shumë dashuri
Mijëra qytetarë kanë mbushur këtë mëngjes sheshet e xhamitë e qyteteve për të festuar Kurban Bajramin. Edhe këtë vit, falja e namazit në kryeqytet u bë në sheshin Skënderbej, ku besimtarët u falen duke iu drejtuar Zotit me lutje për më shumë paqe dhe harmoni. Pas mbarimit të faljes së namazit të Kurban Bajramit kryetari i Komunitetit Mysliman të Shqipërisë Bujar Spahiu, shprehu për mediat mesazhet kryesore që transmeton kjo festë shumë e rëndësishme për besimtarët muslimanë.
Spahiu tha se kjo ditë duhet të shërbejë si pikë kthese duke iu larguar urrejtjes dhe të bashkëpunojmë me njëri-tjetrit për të ndërtuar një botë sa më të mirë.
Festa e shenjtë është përshëndetur edhe nga Kryeministri Edi Rama, si dhe nga përfaqësitë diplomatike më të rëndësishme në Tiranë.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.