Shqiptarët më shumë internet fiks, AKEP: “497 mijë abonentë në tremujorin e fundit 2020, rritje 14% në krahasim me 2019”
Viti 2020 ka shtuar ndjeshëm numrin e shqiptarëve që përdorin internetin përmes rrjeteve fikse në një kohë që gjithë tregu i komunikimeve elektronike ka shënuar tkurrje përgjatë për shkak të pandemisë, për t’u normalizuar disi gjatë tremujorit të katërt.
Numri i pajtimtarëve më akses Broadband në internet nga rrjete fikse në T4 2020 arriti në rreth 497 mijë, që përbën një rritje me 2.3% në krahasim me tremujorin e mëparshëm dhe një rritje me rreth 14% në krahasim me të njëjtin tremujor në vitin 2019. Të dhënat janë raportuar nga AKEP, Autoriteti I Komunikimeve Elektronikë dhe Postare për tremujorin e fundit të vitit 2020.
Numri i pajtimtarëve të rrjeteve fikse që kanë akses në shërbime të integruara (Telefoni/Internet/TV) në fund të 3 mujorit të katërt2020 arriti në rreth 292 mijë, një rritje kjo me 4.1% në krahasim me T32020 dhe rritje me 6.8% krahasuar me T42019.4. Numri i pajtimtarëve me paketa trefishe (Telefoni, Internet dhe TV) përbën 35.3% të totalit të pajtimtarëve me paketa të integruara ndërsa 30.7% janë me paketa “Internet dhe Telefoni” dhe 30.5% me paketa “Internet dhe TV”.5.59% e pajtimtarëve me akses broadband në rrjete fikse në fund të T42020ishin pajtimtarë me paketa të integruara (Telefoni/Internet/TV), ku 21% janë me paketa trefishe (Telefoni, Internet dhe TV).
Ndërkaq, I parë në tërësi, Pas një rënie të fortë për pjesën e parë të vitit 2020, treguesit e tregut të telefonisë celularë i janë kthyer vlerave normale gjatë tremujorit të fundit. Rritje të fortë ka shënuar përdorimi i internetit përmes pajisjeve mobile, ashtu si dhe me rrjetet fikse. Sipas të dhënave të sapopulikuara nga AKEP, Numri i përdoruesve active të telefonisë celulare gjatë T42020 arriti në rreth 2.51 milionë që përbën një rritje me rreth2.8% krahasuar me T3 2020 dhe mbetet në të njëjtat vlera me T42019.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.