Shqiptarët preferojnë “Atdheun”  – 2018, gjysma e verës rezulton me 178  mijë turistë më shumë

Turistët shqiptarë  zgjodhën vendin e tyre për t’u relaksuar, ky është rezultati për gjysmën e parë të verës.  Nisur nga shifrat e siguruara për periudhën qershor- korrik 2018  janë 178 mijë shtetas shqiptarë që kanë hyrë më shumë  në vendin tonë,  krahasuar me  muajt  qershor-korrik të një viti më parë.

Nisur nga shifrat e bëra publike për televizionin SCAN nga Policia e Shtetit rezulton se ky numër është në rritje duke përjashtuar  muajin gusht i cili  është  periudha  që lëvizjet janë më të shumta të cilat  mund të ndryshojnë  trendin  pavarësisht nëse janë shtetas  që vijnë për  turizëm ose jo. Ajo që vihet re  nga  të dhënat është se  nuk është i njëjti trend sa i takon daljeve të shtetasve shqiptar jashtë kufirit,  lidhur me daljet rezulton e kundërta të paktën për dy muajit  qershor dhe korrik 2018.

Nga përllogaritjet  e shifrave  rezulton se  janë 30 mijë shtetas  shqiptarë më pak  të cilët kanë dal  jashtë kufirit. Kjo do të thotë se shumë shqiptarë  kanë përzgjedhur  ti kalojnë ditët e nxehta të qershorit dhe korrikut në vendlindje dhe një numër më i vogël se në 2017 kanë preferuar ti kalojnë  jashtë kufirit .

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.