Shtëpia e Bardhë dërgon “shpenzimet” në Kongres – Plani parashikon 6 trilionë dollarë shpenzime dhe 4.17 trilionë të ardhura
Shtëpia e Bardhë i ka dërguar Kongresit amerikan buxhet planin prej 6 trilionë dollarë të shpenzimeve në infrastrukturë, në edukim dhe në luftën kundër ndryshimit klimatik. Shtëpia e Bardhë argumenton se plani përbën sens fiskal për të investuar aktualisht, pasi kostot e huamarrjes janë të ulëta, ndërsa deficiti do të reduktohet më vonë.
Por, buxheti i ofruar nga presidenti demokrat, Joe Biden përballet me kundërshtimin e fortë të ligjvënësve republikanë, të cilët dëshirojnë të refuzojnë planin e Biden për rritjen e taksave për të pasurit dhe korporatat. Plani i Biden për vitin fiskal 2022 parashikon shpenzime prej 6 trilionë dollarë dhe të ardhura në 4.17 trilionë, në rritje me 36.6% krahasuar me shpenzimet e vitit 2019. Plani parashikon një deficit prej 1.84 trilionë dollarë, në rënie të ndjeshme krahasuar me dy vite më parë, kryesisht për shkak të pandemisë së Covid-19.
Plani është përshëndetur nga demokratët, duke përfshirë edhe spikeren e Dhomës së Përfaqësuesve, Nancy Pelosi, por është kritikuar nga republikanët, të cilët kundështojnë nivelet e larta të borxhit, ndërsa disa grupe progresiste kërkojnë uljen e shpenzimeve ushtarake. Sipas analistëve, rritja e shpenzimeve nga Shtëpia e Bardhë do të mbështesë zgjerimin e ekonomisë amerikane.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.