Shtëpitë parafabrikate dhe materialet për projektin e Rindërtimit përjashtohen nga taksat e importit! Vendimi hyn në fuqi

Vendimi për përjashtimin nga taksat e importit për materialet, pajisjet dhe ndërtesa e parafabrikuara, të importuara në kuadër të procesit të rindërtimit nga tërmeti, ka hyrë tashmë në fuqi. Vendimi parashikon se përfitues nga kjo lehtësi do të jenë organet shtetërore, organizatat bamirëse dhe filantropike, që janë pjesë e programit të rindërtimit.

“Materialet, pajisjet, ndërtesat e parafabrikuara përjashtohen sipas zërave dhe sasive të parashikuara në preventivin e miratuar nga njësia zbatuese ose nga organi kompetent përkatës, sipas legjislacionit për rindërtimin” përcaktohet në ndryshimin e publikuar në Fletoren Zyrtare.

Përjashtimi nga TVSH-ja e importit, kryesisht për ndërtimet parafabrikate ka qenë një kërkesë që është përsëritur vazhdimisht në publik nga organizatat që kanë mbledhur fonde për programin e rindërtimit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.