Shtetet që ndalojnë bixhozin – Shembuj të shumtë në Europë dhe botë, nga Norvegjia në Japoni
Shqipëria duket se po shkon drejt mbylljes së lojërave të fatit dhe pikave të basteve, të paktën kështu ka premtuar qeveria . Por, a ka shtete të tjera ku shteti kufizon plotësisht ose pjesërisht lojërat e fatit? Përveç vendeve arabe, shembujt e ndalimin të bixhozit janë të shumtë, e madje edhe në vende të zhvilluara. Në Europë, Norvegjia i ndalon thuajse të gjitha lojërat e fatit në territor, përfshirë bastet sportive, ndërkohë që i lejon online.
Madje, një ligj i posaçëm detyron bankat që t`i ndalojnë klientëve të tyre përdorimin e kartave bankare për lojëra fati, brenda por edhe jashtë vendit. Qipro po ashtu, ndjek të njëjtin model, së bashku me Poloninë, Rusinë dhe Turqinë. Ukraina ndërkohë ndalon çdo lloj bixhozi, me përjashtim të lotarisë kombëtare, por edhe këtë, vetëm online. Bjellorusia ndalon çdo lloj bixhozi, si online ashtu edhe fizikisht. Por ka edhe shembuj të kundërt; Franca ndalon kazinotë online, Islanda çdo lloj loje fati online.
Çekia ndalon pjesën dërrmuese të lojërave të fatit online, ndërkohë që Italia ndalon vetëm disa forma të tyre. Përtej Europës ndërkohë, Brazili ndalon bixhozin fizik, atë në territor, Izraeli po ashtu. Edhe Japonia, një prej vendeve më të zhvilluara të botës e ndalon bixhozin në territorin e saj, me përjashtim të atij online. Kuba dhe Kina ndërkohë e ndalojnë plotësisht. Ndalime të pjesshme ka edhe në Shtetet e Bashkuara të Amerikës.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.