Shteti i vetëm në botë i udhëhequr nga gratë – Pas presidentes tashmë edhe kryeministrja e vendit do të jetë një grua
Fjala kyçe këtu, sidoqoftë, është “e zgjedhur” – ka tre vende të tjera ku kryetari i shtetit dhe kryeministri janë të dy gra. Zelanda e Re dhe Barbados drejtohen nga kryeministra femra dhe kryetari i tyre i përbashkët i shtetit është sovrani i Mbretërisë së Bashkuar dhe i Komonuelthit – Mbretëresha Elizabeta II. Danimarka drejtohet gjithashtu nga një kryeministre femër; kreu i saj i shtetit është një monark tjetër, Mbretëresha Margaret II.
Presidentja aktuale estoneze, Kersti Kaljulaid, u zgjodh nga parlamenti i vendit në 2016, duke u bërë kështu gruaja e parë që ka mbajtur postin e presidentit të Estonisë.
Dhe nga 26 Janari e tutje, kreu i qeverisë Estoneze do të jetë Kaja Kallas, udhëheqësja aktuale e Partisë së Reformës, e cila do të jetë kryeministrja e parë femër e vendit. Kaljulaid nominoi Kallas për të formuar qeverinë në 14 Janar – pasi koalicioni qeverisës i mëparshëm, i udhëhequr nga Partia e Qendrës, u shemb – dhe parlamenti konfirmoi emërimin e saj dhe të kabinetit të saj në 25 Janar. Kallas do të drejtojë një koalicion midis Partisë së saj të Reformës dhe Partisë së qendrës së majtë të Qendrës.
Pothuajse gjysma e kabinetit do të jetë ‘grua’
Edhe pse koalicioni i Kallas ka 59 deputetë në parlament, koalicioni i ri u konfirmua me 70 pro dhe 30 kundër, domethënë 11 deputetë të opozitës votuan në favor të kabinetit Kallas. Presidentja Kaljulaid caktoi qeverinë e re në lindjen e diellit në 26 janar. Në të njëjtën ditë, ministrat e kabinetit bënë një betim zyre përpara parlamentit.
Është e dukshme që, duke përfshirë Kaja Kallas, qeveria e re Estoneze do të ketë shtatë ministra femra (46,7% të kabinetit) – një rekord për vendin deri më tani. (estonianworld)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.