Shtimi i mjekëve të urgjencës, Manastirliu: Brenda javës konkurs për mjekët e rinj

Brenda javës që vjen do të zhvillohet konkursi për mjekë të urgjencës. Në këtë mënyrë do të ketë një shtim të mjekëve në urgjencën qendrore.

Këtë fakt e ka bërë të ditur ministrja e Shëndetësisë dhe e Mbrojtjes Sociale Ogerta Manastirliu e cila ka theksuar se sistemi i patronazhimit dhe i bonusit ka bërë që të bierë fluksi i pacientëve në QSUT.

“Edhe në spitalet rajonale kemi çuar fuqizimin me mjekë në kuadër të patronazhimit por dhe në kuadër të bonusit. Në berat psh kemi mjeken kardiologe që la QSUT, kemi në Kukës mjekun kirurg, kemi në Korçë mjekun anestezist, kemi në Dibër mjekun anestezist, në Dibër do të shkojë dhe kirurgu shumë shpejt, pra do të fillojë të lehtësohet”, tha ajo. 

Ministrja e Shëndetësisë dhe Mbrojtjes Sociale Ogerta Manastirliu vizitoi në të njëjtën kohë edhe fëmijën 18 muajsh që u shpëtua dje nga ekipi i mjekëve dhe Njësia e Helikopterëve në fshatin Qarrishtë të Librazhdit.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.