Shtohen 55 mijë kontribues në 6 muaj – Sigurimet shoqërore, zbehen pasojat e COVID. 4.1 miliard lekë më shumë kontribute

Në gjysmën e parë të këtij viti, pavarësisht pasojave të Covid-19 në ekonomi, kontributet shoqërore të individëve janë rritur me afro 4.1 miliardë lekë krahasuar me të njëjtën periudhë të një viti më parë. Konkretisht në Janar-Qershor 2020 kontributet regjistroheshin në vlerën e afro 40.3 miliardë lekëve, ndërsa në 6-mujorin e parë 2021 regjstrohen në 44.4 miliardë lekë. Të tre kategoritë e kontribuesve kanë rezultuar me rritje, ku kryesojnë subjektet fizike dhe juridike, të ndjekur nga të vetëpunësuarit në bujqësi dhe më pas kontribuesit vullnetar.

Shifrat në rritje duket se janë ndikuar edhe nga rritja e pagës minimale në 30 mije lekë çka ka shtuar detyrimin në pagesën e sigurimeve shoqërore, të cilat bëhen në bazë të pagës së individëve. Megjithatë ndikim ka dhënë edhe rritja totale e numrit të kontribuesve gjatë kësaj periudhe me afro 54.588 indivdë më shumë, duke bërë që totali i kontrubuesve në skemën e siguimeve shoqërore në fund të 6 mujorit të rezultojë në 727.905 individë. Kjo tregon që pasojat e COVID-19 kanë filluar të zbehen dhe një numër i konsiderueshëm qytetarësh gjatë këtij viti kanë mundur ta gjejnë vetën në tregun e punës.

Kontributet e individëve

6-mujori 2020  40.3 miliardë lekë

6-mujori 2021  44.4 miliardë lekë

Numri i kontribuesve

6-mujori 2020  673,317

6-mujori 2021  727,905

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.