Shtohen intensivisht kontrollet nga AKU – Mbi 30 mijë produkte ushqimore të asgjësuara gjatë 24 orëve të fundit
Trupat inspektuese të AKU-së kanë kryer 456 inspektime dhe monitorime si pjesë e Task-Forcës Anti-Covid me kontrolle për zbatueshmërinë e protokolleve të sigurisë kundër përhapjes së virusit Covid-19.
Sipas AKU gjatë inspektimeve është dhënë ndaj një biznesi një masë administrative për tregtim të pasigurt të produkteve ushqimore si dhe me kërkesë të vetë subjekteve ushqimore asgjësime produktesh ushqimore ku konkretisht në një biznes janë asgjësuar 560 kg produkte ushqimore dhe 72000 kokrra vezë të dëmtuara ose me afat të kaluar përdorimi si dhe gjithashtu në një tjetër subjekt me kërkesë të këtij të fundit janë asgjësuar 28.878 produkte ushqimore.
Sipas njoftimit trupat inspektuese të AKU-së kanë dhënë edhe 30 paralajmërime në biznese, në të cilat mungonin librezat shëndetësore, higjienizimi i mureve dhe tavaneve , sistemim produktesh nëpër rafte , si dhe mungesë të planeve 3D ndërsa në vijim të Planit të Marrjes së Mostrave, janë marrë 26 mostra vetëm në monitorim të qumështit, për analizim të ngarkesës mikrobike dhe qelizave somatike.
Autoriteti Kombëtar i Ushqimit është i pranishëm në përditshmëri në terren, në garantim të sigurisë ushqimore dhe shëndetit të konsumatorëve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.