Shtohen kontrollet për respektimin e protokollit të sigurisë anti-Covid – AKU kryen rreth 300 inspektime në 24 orët e fundit
Trupat inspektuese të Autoritetit Kombëtar të Ushqimit kanë kryer gjatë 24 orëve të fundit 287 inspektime dhe monitorime si pjesë e Task-Forcës Anti-Covid.
Sipas njoftimit nga Task-Forca kërkohet që nga çdo biznes të zbatohet përpikërish protokolli i sigurisë anti-Covid, mbajtja e detyruar e maskave në ambiente të brendshme, higjienizimi i ambienteve dhe ruajtja e distancës fizike si e vetmja mënyrë për të kufizuar përhapjen e virusit.
AKU bën me dije se referuar Planit të Marrjes së Mostrave janë marrë 22 mostra, kryesisht në monitorim të qumështit dhe në fruta-perime.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.