Shtohen spekulimet për zgjedhje të parakohshme në Britani, Johnson mban premtimet që dha gjatë fushatës pro-Brexit / 2.2 miliardë dollarë për sistemin shëndetësor
Kryeministri britanik Boris Johnson tregoi se 1.8 miliardë paund (2.2 miliardë dollarë) do shtoheshin në fonde për Shërbimin Kombëtar të Shëndetit (SH.K.SH), duke mbajtur kështu një premtim të bërë gjatë fushatës së referendumit për Brexit në 2016.
Paratë do të përdoren për të shtuar shtretërit spitalorë, repartet dhe pajisjet kryesore, sipas një deklarate nga zyra e kryeministrit.
“Ne kemi përparësi njerëzit e këtij vendi, për të siguruar që SH.K.SH të ketë fondet që i nevojiten për të vazhduar të jetë një nga shërbimet më të mira të kujdesit shëndetësor në botë,” shkroi Johnson në në Sunday Times.
Johnson, i cili do të diskutojë për fondet të hënën gjatë një vizite në një spital, u zotua tre vjet më parë si udhëheqësi i fushatës ‘Leave EU’, se fondet që Britania i jep BE-së do të përdoreshin për sistemin shëndetësor nëse Britanikët do të votonin për të lënë Bashkimin Evropian.
Kjo politikë e re që lejon Johnson të mbajë një premtim të dhënë nga ai, interpretohet nga analistët si parapërgatitje nga kryeministri britanik për një fushatë elektorale, që mund të vijë pas shpalljes së zgjedhjeve të parakohshme.
Burimi: Bloomberg
DOSTI BANUSHI – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.