Shtohen të drejtat – Femrat në Arabinë Saudite tashmë mund të drejtojnë kamionë e motoçikleta
Muaj pas vendimit historik për t’i lejuar femrat të drejtojnë makinën në Arabinë Saudite tashmë ato do të kenë mundësinë të ngasin makina komerciale, të tilla si kamionë, motoçikleta etj.
Departamenti i trafikut, tregoi disa detaje të reja mbi ligjin i cili pritet të hyjë në fuqi, vitin e ardhshëm.
Pas njoftimit ku femrat do të lejoheshin të drejtonin makinën, ishin të shumtë ata të cilët ju frikësuan faktit se masa për femrat do të zbatohej në kushte më të rrepta për femrat, duke vendosur kushte për dhënien e licencave për gratë në Arabinë Saudite.
Megjithatë, rregulloret e reja, të cilat i referohen grave “si të barabarta” me shoferët meshkuj, largojnë frikën se licencat për femrat do të jenë ndryshe nga ato të meshkujve.
Por, edhe pse nuk do të ketë asnjë ndryshim në licencën e femrave, Autoritetet e Përgjithshme thanë se shkeljet e kryera prej tyre do të trajtohen nga një njësi speciale e policisë.
Gjithashtu për sa i përket grave të huaja të cilat zgjedhin të vizitojnë Arabinë Saudite, ato do të mund të përdorin licencat e tyre për një vit.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.