Shtrëngohen masat/ Vetëm një person nga familja do mund të bëjë pazaret – Rama bën publik vendimin!

Nëpërmjet një postimi në faqen e tij zyrtare në ‘Facebook’, kryeministri Edi Rama ka njoftuar të gjithë qytetarët se është gati aplikacioni online ose mesazhet për leje-daljen e vetëm një personi nga familja për të bërë Pazar, në kuadër të masave të marra për izolim total, për shkak të Covid-19.

Ndërkaq, kryeministri Rama, ka theksuar dhe njëherë, se duke nisur nga mesdita e nesërme (ora 13:00), për të vijuar deri të hënën në mëngjes (ora 05:00), vendi do të jetë në shtetrrethim.

Postimi i plotë

GATI APLIKACIONI ONLINE OSE ME SMS PËR LEJE-DALJEN E VETËM NJË PERSONI NGA FAMILJA PËR TË BËRË PAZAR!

 NJËSOJ SI JAVËN E SHKUAR, NGA ORA 13.00 NESËR DERI TË HËNËN 05.00 TË GJITHË NË SHTËPI DHE TË GJITHË QEPENAT MBYLLUR!

 NGA E HËNA ASKUSH NUK DEL DOT MË NË PAZAR, PA MARRË LEJEN DIGJITALE ME E-MAIL OSE TELEFON NË EMËR TË FAMILJES

*pas pak do të bëjmë prezantimin e aplikacionit që është shumë i thjeshtë dhe nga e hëna e deri në mbarim të luftës, do të jetë e vetmja rrugë për të dalë nga shtëpia në Tiranë e në qendrat urbane

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.