“Shtrenjtohet fatura” Brexit – Britania do të shpenzojë 118 mln euro në tragete nëse s’ka marrëveshje

Një Brexit pa marrëveshje pritet t’i kushtojë shumë shtrenjtë Britanisë së Madhe. Kjo e fundit pritet të shpenzojë më shumë se 118 milionë euro për tragetet në rast të një ‘Jo Brexit’, për të siguruar që mallrat jetësore të vijojnë të hyjnë në vend.

Kontratat, të dhëna për Brittany Ferries të Francës, DFDS të Danimarkës dhe Transportit Detar të Britanisë parashikojnë një shtesë prej 3 700 tragetesh në javë për të udhëtuar midis Britanisë dhe kontinentit në rast se ajo largohet nga Bashkimi Europian më 29 mars pa një marrëveshje.

Ky kapacitet shtesë, është planifikuar të funksionojë duke ndjekur një shumëllojshmëri rrugësh, për të lehtësuar presionin në Portin e Dover. Ata do të udhëtojnë brenda dhe jashtë qyteteve portuale jugore të Poole, Portsmouth, Plymouth dhe Felixstowe si dhe Immingham, në veri-lindje të Anglisë.

“Ky kapacitet shtesë është një element i vogël por i rëndësishëm i planifikimit Brexit të Departamentit për transport. Ndërsa mbetet e angazhuar për të punuar për të siguruar arritjen e një marrëveshjeje të suksesshme, Departamenti po ndihmon që pjesa tjetër e Qeverisë të përgatitet plotësisht për një sërë skenarësh, duke përfshirë një fokus të veçantë në një marrëveshje potenciale dhe të zbusë ndikimin e ndonjë rezultati të Brexit në të gjitha mënyrat e transportit”, tha një zëdhënës për Euronews.

Sipas rregullave të BE-së, qevritë duhet të vendosin një proces tenderimi për shërbimet e transportit nëse vlera e tyre tejkalon 443 000 euro, por Britania anashkaloi sistemin për dhënien e këtyre kontratave.

Sipas Gus Tugendhat, themelues i Tussell, një ofrues i të dhënave për prokurimin publik, ky është një tregues i mëtejshëm i nxitimit të minutës së fundit për të zbatuar planifikimin e paparashikuar të Brexit. Ndërkohë, shtoi më tej se procedurat normale të tenderimit nuk mund të ndiqen, për shkak të kohës së shkurtër.

Nga ana tjetër, Partia opozitare e Liberal Demokratëve, e cila mbështet një referendum të dytë për anëtarësimin e vendit në BE, e ka përshkruar shpalljen e qeverisë si “çmenduri të plotë.”

“Qeveria ka fuqinë për të ndaluar marrëveshjen çdo kohë, por përkundrazi shpenzon miliona në kontratat e minutës së fundit.”

 G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.