Shtyhet me një javë, panairi “Shqipëria Punon Tokën”/ Shkak reshjet e shiut

Panairi “Shqipëria Punon Tokën”, i parashikuar të zhvillohej këtë fundjavë, në datat 9 dhe 10 nëntor, do të shtyhet për fundjavën tjetër. Shkak janë parashikimet për reshje shiu intensive gjatë kësaj fundjave.

Ky panair është eventi vjetor më i rëndësishëm për bujqësinë shqiptare dhe zhvillimin rural, dhe shtyrja e këtij panairi, vjen pikërisht për shkak se duhet të kryhet në kushte të përshtatshme për të marrë të gjithë vëmendjen e duhur nga fermerët, prodhuesit, agropërpunuesit dhe qytetarët që do të jenë në sheshin “Skënderbej”.

Parashikimet e sinoptikanëve thonë se gjasat për reshje shiu në datat 16 dhe 17 nëntor janë të pakta dhe duke u bazuar në këto parashikime panairi “Shqipëria Punon Tokën” mirëpret të gjithë të interesuarit fundjavën e ardhshme në sheshin “Skënderbej”.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.