Shumë zona në Tiranë pa energji elektrike! OST shpjegon çfarë ka ndodhur
Operatori i Sistemit të Transmetimit njofton se si pasojë e avarisë në linjën e OST 110kV L110-22/2 Tirana 220kV – Uzina e Traktorave dhe në linjën L110-4/2b Farkë – Ibë, sot rreth orës 10:35 mbetën pa energji NST Traktora dhe NST Farkë. Në orën 11:10 OST normalizoi skemën e furnizimit duke i dhënë energji NST Uzina Traktori dhe NST Farkë duke normalizuar situatën e furnizimit me energji në disa zona.
“Por për shkak të kapaciteteve transmetuese të OST me kufizim ngarkese, vijojnë pa energji fiderat 6kV të NST Uzina Traktori dhe Fiderat 10kV te N/stacionit Farkë veç Fidrit E10 i cili është në punë si dhe 2 fidera 20kV të N/stacionit Farkë. Vijon të jetë në avari linja e OST Farkë – Ibë” njofton OST.
Zonat pa energji në Rrethin Tiranë janë Komuna Farkë (Pallatet pranë kopshtit Botanik), Stallat Sauk, TEG. Mullet/ Ibë, Gurrë, Pëllumbas, Sauk, Lundër, Mullet, Vishnje, Kodra e Priftit, Shkoze, Rr Todi Shkurti (pranë pallateve Grand), Zona pranë Sanatoriumit, Kodra e Kokonozeve, Ish Parku Komunal, Garda, Pallate pranë Oxhakut te shkolla e Bashkuar, Porcelani, Kodra e Metallve, Rr. Pasho Hysi, Kryegjyshata, Poligrafiku, Shkozë (pjeserisht). Referuar njoftimit, grupet e avarisë së OST e OSSH janë në terren për të eliminuar defektet e rikthyer energjinë tek të gjithë abonentët.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.