Shumëfishohen lojërat e fatit, Tabaku: Në tre vite anë hapur  2176 pika të reja

“Në Tiranë dhe në gjithë Shqipërinë ka më shumë dyqane bastesh dhe kazino sesa librari apo dyqane ushqimore“.

Kështu u shpreh deputetja e Partisë Demokratike Jorida Tabaku në një dalje për mediat.

Sipas Tabakut lojërat e fatit jo vetëm nuk u mbyllën por u shumëfishuan ndërkohë që tatimi mbi fitimin bruto të tyre është ulur nga 23% në 15 %.

“Lojërat e fatit jo vetëm nuk u mbyllën por u shumëfishuan nën presionin e kryetarit të atëhershëm të Komisionit të Ligjeve. Nga 200 metra distancë, qeveria përgjysmoi në 100 m largësinë e pikave të bixhozit nga shkollat dhe institucionet fetare. Nga 23% tatim mbi fitimin bruto u ul në 15% tatim mbi fitimin e realizuar. Është fakt se mbështetja e Qeverisë ndaj bixhozit katërfishoi pikat e basteve nga 920 në 4200. Sot në Tiranë dhe në gjithë Shqipërinë ka më shumë dyqane bastesh dhe kazino sesa librari apo dyqane ushqimore. Shumë prej tyre kanë lidhje me klanin mafioz Xhafaj”.

Më tej denoncimi i opozitës ka vijuar për shumëfishimin e aktivitetit të bixhozit.

Nga vitit 2015 deri ne vitin 2018, Ecobet, Baste Live Eurolive, brenda 5 vjetëve kanë shumëfishuar aktivitetin në tregun e bixhozit, duke hapur 2176 pika të reja bixhozi.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.