‘Shumëkëmbësha toksik’ po pushtojnë plazhet e Britanisë. A janë të rrezikshëm?

Shumëkëmbësha me qime që mund të rezultojnë toksike si për njerëzit ashtu edhe për qentë janë parë në plazhe dhe sallone bukurie në të gjithë Mbretërinë e Bashkuar.

Ndërsa moti ngrohet, grumbujt e vemjeve të molës me bisht kafe grumbullohen së bashku brenda një rrjete merimangash të thurur si një fole dimri nga larvat. Por qimet në vemjet mund të irritojnë lëkurën dhe të shkaktojnë probleme të frymëmarrjes si astma nëse thithen.

Të parë për herë të parë në Bournemouth, Boscombe dhe Christchurch në Dorset gjatë fundjavës së Pashkëve, vemjet u panë këtë javë në shtigjet afër Jaywick Sands në Essex.

Pronarët e qenve janë paralajmëruar të jenë vigjilentë pasi toksinat e lëshuara nga vemjet mund të jenë fatale për qentë nëse gëlltiten. Kushdo që dyshon se kafsha e tyre ka rënë në kontakt me një vemje apo edhe ka ngrënë një të tillë, duhet të kontaktojë veterinerin e tyre për këshilla.

Temperaturat më të ngrohta të vjeshtës lejojnë që larvat të shëndoshen para se të bien në letargji për dimër, sipas Eleanor Groden, profesoreshë e entomologjisë në Universitetin e Maine. Një studim i kohëve të fundit i botuar në revistën Environmental Entomology theksoi se kjo u jep atyre një shkallë më të mirë mbijetese dhe do të thotë më shumë vemje, në pranverë. Duket e mundshme që më shumë shpërthime do të vërehen përgjatë bregut dhe në brendësi, ndërsa shkojmë drejt verës. AP

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.