‘Shumica e shteteve të BE’ dëshirojnë që Brukseli të pezullojë ligjin për rimbursimet e fluturimeve të anuluara

Sipas Euronews shumica e shteteve të BE mbështesin vendimin që i bën thirrje Brukselit që të pezullojë përkohësisht ligjin europian që jep rimbursim për fluturimet e anuluara.

Dymbëdhjetë qeveri i kërkuan Komisionit Europian të pezullojë rregullat që detyrojnë linjat ajrore të ofrojnë rimbursime të plota në vend të kuponëve për udhëtimet e ardhshme. Franca dhe Holanda kryesuan shtytjen, e cila erdhi gjatë një takimi të ministrave europianë të transportit të Mërkurën.

Vendet e tjera që qëndronin pas kërkesës ishin Belgjika, Bullgaria, Qipro, Republika Çeke, Greqia, Irlanda, Letonia, Malta, Polonia dhe Portugalia. Sipas Euronews edhe katër vende të tjera – Gjermania, Spanja, Rumania dhe Estonia kanë shtuar zërin e tyre në mbështetje.

Kjo lëvizje vjen mes zemërimit nga pasagjerët që patën fluturimet e tyre të anuluara për shkak të pandemisë së COVID-19 dhe në vend të tyre morën vetëm kupona për ndryshim datash dhe jo rimbursime të plota në para.

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.