“Shumica e sulmeve në internet flasin rusisht” – Kaspersky shpjegon arsyen e rritjes globale të krimeve kibernetike dhe si t’i luftojmë ato
Eksperti global i sigurisë kibernetike, Eugene Kaspersky thotë se krimet në internet kanë ekzistuar për gati njëzet vjet, por aktualisht janë rritur në një shkallë shumë të madhe si pasojë e pandemisë dhe bllokimeve të shumta në të gjithë globin duke shtuar interesin e këtyre organizata kriminale ndaj këtyre sulmeve për të mbledhur kriptomonedha.
Pandemia dhe puna nga shtëpia kanë ndikuar ndjeshëm në dobësimin e mbrojtjes së sistemeve kompjuterike të kompanive dhe administratave publike pasi kompanitë shpesh nuk kanë qenë në gjendje të garantojnë të njëjtin nivel sigurie kibernetike që ato ofronin në vendin e punës.
Sipas Kaspersky ka lloje të ndryshme kriminelësh fillestarë, të mesëm dhe profesionistë. Dy llojet e para flasin të gjitha gjuhët, megjithëse në krimin kibernetik gjuha më e folur është ajo kineze e thjeshtuar, e ndjekur nga rusishtja, spanjishtja, portugalishtja, turqishtja, anglishtja dhe shumë të tjera. Kur flasim për profesionistë të nivelit të lartë, shumë prej tyre flasin rusisht ndërsa shumica e sulmeve ndaj sistemeve bankare flasin spanjisht dhe portugalisht.
Këto diferencime ndodhin për arsye të ndryshme për shembull në Kinë kriptovalutat janë të ndaluara ndërsa nga ana tjetër marrëdhëniet mes agjencive ndërkombëtare të zbatimit të ligjit ndikojnë ndjeshëm në zbulimin dhe pajën e kriminelëve.
Mënyra me e mirë për t’u mbrojtur nga këto sulme si individ është instalimi i një softueri sigurie të mirë kibernetik dhe të qëndroni gjithnjë në alert nga çdo fenomen i pazakontë në kompjuterin tuaj, qoftë email, individ ose mesazhe të tjera të dyshimta.
Nga ana tjetër për kompanitë e mëdha kur sulmet janë më të specializuara Kaspersky këshillon një ekzaminim të plotë të infrastrukturave në kërkim të dobësive, si dhe përcaktimin e skenarëve më të këqij të mundshëm, që mund të jenë vdekjeprurës për biznesin, dhe më pas të përgatitet strategjia e reagimit e cila duhet të jetë një proces konstant dhe jo vetëm 1 herë.
Eksperti global i krimit në internet paralajmëron se problemi kryesor me të cilin do të duhet të përballemi në të ardhmen është mungesa e theksuar e specialistëve të sigurisë kibernetike në sektorin industrial. Ndërmarrjet e vogla dhe të mesme janë relativisht të mbrojtura, por industritë, infrastrukturat kritike të të cilave janë dhe do të jenë gjithnjë e më shumë të digjitalizuara rrezikojnë shumë më shumë. ANSA
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.