Si arriti Von der Leyen në krye të BE pa votat e së majtës?

Ursula von der Leyen siguroi mbështetje të ngushtë parlamentare për emërimin e saj si presidente e Komisionit Europian të martën, pasi skepticizmi i thellë nga partitë pro-BE e detyroi atë të mbështetej vetëm në votat e euro-deputetëve ekstremistë dhe populist. Ajo tha se ishte “shumë e lehtësuar” pas kësaj fitoreje edhe pse me limitin e votave të mundshme, por mohoi faktin se kjo fitore kaq e ngushtë do të sillte trazira politike.

Por gruaja e parë që mban postin më të lartë europian, tha për Euronews, Darren McCaffrey, se ishte thjesht e kënaqur të fitonte pas vetëm dy javëve kohë për të bindur deputetët se ajo mund të zëvendësonte Jean-Claude Juncker. “Unë fillova 13 ditë më parë pa asnjë shumicë,” tha von der Leyen. “Parlamenti tha ‘ne duam të të njohim ty fillimisht’. Sot jam shumë e lehtësuar dhe e lumtur që u bë e mundur bindja e shumicës së parlamentit”.

Ministrja e Mbrojtjes e Gjermanisë u zgjodh si një kandidate kompromisi nga krerët e BE si pjesë e negociate për shkëmbim postesh të larta, duke zemëruar parlamentarët të cilët kishin paraqitur kandidatët e tyre.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.