Si do pushojmë këtë verë? / Mundësitë për të financuar pushimet dhe paketat që mund të zgjidhni

Për pushime familjare vazhdon të qëndrojnë në krye të listës Turqia dhe Greqia, të cilat me një kosto relativisht të ulët dhe shumë konkurruese krahasuar me çmimet brenda vendit, ofrojnë paketa 7-10 ditore me gjithçka të përfshirë për të gjithë familjen.

Bankat tashmë e kanë produkt kredinë e pushimeve, e cila në pamundësi për të paguar koston totale të pushimeve, krijon mundësinë ta shlyejnë atë me këste për një kohë të caktuar.

Gama e destinacioneve turistike për pushimet verore është zgjeruar ndjeshëm këto 10 vitet e fundit. Nëse dikur pushimet ishin një surprizë në çdo aspekt, tashmë ekziston luksi i paketave turistike, falë të cilave çdo detaj është i organizuar paraprakisht me përpikmëri. Ju nuk shqetësoheni më për asgjë tjetër përveç pagesës! Ndër vite ka pasur trende të ndryshme lidhur me destinacionet e mundshme turistike. Tashmë agjensitë ofrojnë një larmi zgjedhjesh të përshtatshme për të gjithë llojet e kërkesave dhe mundësive.

Paketat ‘Mix’

Sipas shumë agjencive udhëtimesh shqiptarët kanë filluar të parapëlqejnë më së shumti paketat e shkurtra 3-4 ditorë nëpër destinacione të afërta në vende fqinje por edhe nëpër shtete të ndryshme të Europës. Ndoshta për efekt kostosh më të ulëta ose mungesë kohë për të qëndruar më tepër, pjesa më e madhe e paketave të realizuara vitet e fundit është pikërisht e fokusuar në këtë drejtim. Udhëtime të shkurtra dhe të organizuara në grupe, të cilat mund të jenë edhe si opsion i dytë për individët që nuk duan t’i bëjnë pushimet e tyre tërësisht jashtë ose brenda vendit, por i ndajnë ato duke gërshetuar kështu bukuritë vendase me eksperiencën e vendeve të reja jashtë kufirit. Vendet më të parapëlqyera janë: Mali i Zi, Maqedonia, Greqia, Italia, Spanja etj. Ekziston edhe mundësia e tureve gjatë të cilave ju mund të vizitoni disa shtete brenda një weekend-i me një kosto vërtet interesante që varion nga 29 deri në 79 euro për person.

Ofertat ekzotike

Edhe pse jo masivisht, rinia ose pjesa me mundësi më të larta ekonomike ka krijuar një trend të ri destinacionesh, pikërisht atë të paketave ekzotike në vendet e largëta. Në pjesë jo fort e vogël e klientëve, është shprehur Elda, pronare e një agjencie turizmi të konsoliduar tashmë në treg, e cila ka filluar të eksplorojë destinacione të reja si Azia, Lindja e Mesme apo Amerika e Jugut, më konkretisht në Singapore, Bali, Tajlandë, Marok, Egjipt, kuba, Meksikë etj, por duke qenë se kanë një kosto më të lartë për shkak të distancës sigurisht mbeten variante relativisht luksi në treg.

Kategoria e pushuesve familjarë

Ndërkaq për pushime familjare vazhdon të qëndrojnë në krye të listës Turqia dhe Greqia, të cilat me një kosto relativisht të ulët dhe sigurisht shumë konkurruese krahasuar me çmimet brenda vendit, ofrojnë paketa 7-10 ditore me gjithçka të përfshirë për të gjithë familjen. Niveli i kostove së këtyre paketave është tërësisht i aksesueshëm nga të gjitha e shtresat, pavarësisht të ardhurave duke mbetur tepër konkurruese me çmimet e turzimit ne vend. Edhe këtë vit, në këtë prag sezoni veror prenotimet kanë filluar për Antalya të Turqisë si dhe për vende të ndryshme të Greqisë si Parga, Halkidiki, Santorini, Korfuz etj, por sipas Vjollcës e cila merret me këtë profesion prej 15 vitesh, këtë vit ka një rënie të kërkesës, pasi prenotimet janë mbyllur vetëm për muajt Korrik-Gusht, ndërkohë që për muajt Maj-Qershor ka një mungesë të dukshme të kërkesës edhe pse gjatë kësaj periudhe çmimet janë më të ulëta. Ajo konfirmon faktin se shqiptarët vazhdojnë të parapëlqejnë paketat afatshkurtra në vende fqinje me kosto që variojnë nga 29-69 eur personi, ku përfshihen transporti, mëngjeset/darkat si dhe guida shoqëruese.

Po paratë? Pse jo kredi turistike?

Risia tjetër në fushën e turizmit këto vitet e fundit është edhe pagesa e paketave me këste ose ndryshe e njohur si kredia turistike. Bankat u vijnë në ndihmë individëve të cilët në pamundësi për të paguar koston totale të pushimeve të tyre kanë mundësi të marrin hua turistike, dhe ta shlyejnë atë me këste për një kohë të caktuar. Krijimi i kësaj mundësie thekson edhe një herë se njerëzit janë të prirur të shpenzojnë për pushimet e tyre edhe nëse janë në një situatë jo të mirë financiare. Referuar të dhënave të Credins Bank, procedurat për një hua turistike janë shumë të thjeshta dhe të aksesueshme për këdo.

Sa shpenzojnë shqiptarët jashtë vendit?

Sipas të dhënave të publikuara nga INSTAT për vitin 2018, shtetasit shqiptarë rezidentë kanë kaluar mesatarisht 7,5 netë qëndrimi jashtë vendit, duke shpenzuar mesatarisht 47 Euro në ditë. Destinacionet më të frekuentuara kryesisht për qëllime pushimesh janë: Greqia, Kosova, Mali i Zi, Maqedonia veriut, Gjermania dhe Italia. Duke qenë se distanca me këto shtete është relativisht e shkurtër kryesisht mjeti i transportit më i përdorur ka qenë rruga tokësore me makinë (për pushime individuale) ose autobus (pushime ne grup nëpërmjet agjencive turistike).

INTERVISTA

Financimi i pushimeve, zgjidhja që ofron ‘Credins Bank’

Flet Mirgena Emini, specialiste në sektorin e produkteve në Departamentin e Menaxhimit të Produkteve dhe Insititucioneve në ‘Credins Bank’

Banka Credins e ka bërë tashmë traditë kredinë për pushime, duke ju ardhur kështu në ndihmë klientëve të saj dhe të gjithë të intreresuarve të tjerë. Por jo vetëm aq. Banka ofron edhe mundësi të tjera shtesë të tilla si depozita “Plus”, kartat bankare etj. Por ky vit ka si specifikë të tij, lehtësimin e kushteve të kredisë, në një kohë që të interesuarit do të kenë mundësinë të marrin shuma edhe më të larta kredie ndryshe nga se kanë qenë tavanet e përcaktuara një vit më parë. Me norma interesi shumë konkuruese dhe afate maturimi që shkojnë deri në tre vjet, Credins është një lehtësi e paneglizhueshme për ofertën e financimit të pushimeve. Për më shumë detaje, mund të lexoni shpjegimet e mëposhtme të dhëna nga Mirgena Emini, eksperte e sektorit të produkteve në ‘Credins Bank’.     

Prej sa vitesh Credins ofron paketën e kredisë për pushime?

Prej vitesh tashmë është një traditë në Credins ofrimi i kredisë për pushime. Produkti është hedhur në treg për herë të parë në verën e vitit 2012 dhe është pritur mjaft mirë nga klientët duke u shndërruar kështu produkti kryesor për kredinë gjatë sezonit veror. Ndër vite produkti i kredisë për pushime është shndërruar nga një produkt i thjeshtë kredie në një Paketë Verore. Veç kredisë për pushime, në paketë ofrohen produktet e kartave të debitit dhe të kreditit, si një domosdoshmëri tashmë për të gjithë klientët të cilët preferojnë të kalojnë pushimet e tyre jashtë vendit. Klientët mund të pajisen gjithashtu me kartat ‘prepaid’ të cilat me funksionalitetin e tyre “contactless” u ofrojnë klientëve komoditetin e pagesave të shpejta dhe të thjeshta në bare, restorante apo edhe klube verore. Gjatë dizenjimit të paketave verore ne studiojmë me kujdes të gjithë kërkesat e klientëve e mbi të gjitha analizojmë  ecurinë e produktit në vitet e kaluara për të përmirësuar e për të ofruar një paketë të kombinuar produktesh dhe shërbimet me kushtet nga më të favorshmet në treg .

Ishte një ofertë e juaja apo një kërkesë e klientëve të Credins që më pas u pa e nevojshme nga ju që të ‘konvertohej’ në një paketë të posaçme?

Në fakt, rritja e kërkesës për kreditim në segmentin individë gjatë periudhes verore është një trend i njohur prej vitesh dhe kjo ka qenë indicia kryesore për dizenjimin e një produkti të dedikuar kësaj periudhe dhe nevojave konsumatore të klientëve tanë. Fakti interesant për t’u përmendur është kërkesa e klientëve tanë për këtë produkt. Klientë besnike të bankës gjatë muajit Maj fillojnë kërkesat për kredinë konsumatore duke ditur se në muajin Qershor Credins do të ketë gati Paketën Verore. Ndaj, sa herë mendojmë të ofrojmë një paketë të ndryshme gjatë sezonit veror, e jo detyrimisht një paketë të lidhur me kredinë, kërkesat e klientëve tanë na shtyjnë të ofrojmë atë çka ata kërkojnë “Kredinë Verore”

Në eksperiencën tuaj, cila është tendenca e viteve të fundit në marrjen e kredive për pushime?

Siç theksova dhe më sipër periudha e verës ka gjithmonë kërkesa më të lartë të kredive konsumatore individuale dhe kjo lidhet drejtpërdrejtë me qëllimin e përdorimit të këtyre fondeve; financimi i pushimeve verore. Në Credins, ne ofrojme një gamë të gjerë produktesh kursimi duke i drejtuar klientet edhe drejt kursimit të këtyre fondeve për t’i shpenzuar gjatë periudhës së pushimeve. Me depozitën “Plus” ne i ofrojme mundësinë të gjithë pagamarrësve të kursejnë në mënyrë automatike nga llogaria e pagës shumën që vetë klienti dëshiron. Duke i investuar në depozitën “Plus” klienti përfiton interes dhe këto fonde përdoren dhe aksesohen nga ai kurdo që ka nevojë. Gjithashtu numri i  klientëve të cilët pajisen me kartë krediti gjatë sezonit veror verehet të ketë një rritje krahasuar me muajt e tjerë të vitit dhe ky fakt lidhet edhe me financimin e një pjese të pushimeve të tyre.

Cilat janë kriteret dhe procedurat që ndiqen për të marrë një kredi për pushime?

Gjatë dizenjimit të paketave verore e mbi të gjitha, në kriteret e kredidhënies për këtë produkt specifik, jemi munduar gjithmonë t’i ofrojmë klientëve një produkt sa me fleksibël. Ndër vite produkti për pushime është ofruar me norma interesi më të ulëta se ato standarte. Këtë sezon veror Credins do të ofrojë mundësinë klientëve të marrin një shumë më të lartë kredie pa pasur nevojën e një bashkëkredimarrësi apo dorëzanësi. Kredine Verore në Credins klienti do ta marrë vetëm dhe akoma më thjeshtë se më parë. Mjafton të paraqesë dokumentacionin justifikues mbi të ardhurat e tij.

Cilat janë interesat për kredinë pë pushime?

Kredia Verore 2019 do t’i ofrohet klientëve me normë interesi duke filluar nga 5.8 % me afat maturimi deri në 3 vite dhe me një limit më të lartë aprovimi, pa asnjë bashkëkredimarrës. Gjithashtu klientet kanë mundësinë të pajisen  me kartat e Kreditit ‘Master Card World’, kartë e cila ofron benefitin e pajisjes falas nga ana e bankës me “Sigurimin e Jetës dhe Shëndetit në Udhëtim”. Një mundësi fantastike kjo për të gjithë klientët që do të udhëtojnë jashtë vendit jo vetëm gjatë sezonit veror por gjatë gjithë vitit.

Kur mund të aplikojnë klientët për Ofertën Verore?

Duke filluar nga data 1 Qershor paketa e Ofertës Verore “Kredi” + “Kartë Krediti Master Card World” u ofrohet të gjithë klienteve të Credins Bank në çdo degë të bankës ose përmes aplikimeve në faqen zyrtare www.bankacredins.com si dhe në platformën e-banking Credins Online.

Edel Strazimiri / SCAN Magazine

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.