Si do të jetë koha këtë fundjavë?! – SHMU: Ndryshim i menjëhershëm i kushteve atmosferike
Shërbimi Meteorologjik Ushtarak njofton se do të ketë një ndryshim i menjëhershëm i motin këtë fundjavë pasi të shtunën e deri mesditën e së dielës do të mbizotërojë moti i vranët dhe më tej nisin kthjellimet.
Sipas njoftimit reshjet e shiut do të nisin në veri të vendit të shtunën e gjatë pasdites do të fitojnë intensitet me rrufe në veri dhe në qendër, lokalisht stuhi shoqëruar me breshër ndërsa në mbrëmje reshjet e shiut përfshijnë dhe jugun por me intensitet të ulët.
SHMU bën me dije se që prej orëve të para të ditës së diel do të ketë reshje shiu intensive, shtrëngata e rrufe në të gjithë veriun, qendrën e bregdetin dhe se parashikohen të rikthehen reshjet e dëborës së dendur që prej mëngjesit deri në orët e paradites në alpe, verilindje e lindje deri 900m.
“Në jug e juglindje reshje shiu me intensitet të ulët e përkohësisht mesatar, prej mesditës reshjet do të përqendrohen në zonat malore me intensitet të ulët për tu ndërprerë plotësisht pasdite ndërsa era nis nga kuadrati i jugut e kthen të dielën verilindje e veri mesatare e hera herës e vrullshme në bregdet duke u pasuar nga valëzim i forcës 4 dhe 5 ballë”, shkruhet në njoftim.
Temperaturat parashikohet të pësojnë rënie të menjëhershme ditën e diel, rënie e cila do të vijojë në mbrëmje sikurse më poshtë:
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.