Si do të jetë moti ditën e Premte?! – SHMU: Alternime kthjellimesh, vranësira dhe reshje lokale shiu
Shërbimi Meteorologjik Ushtarak njofton se për ditën e Premte vendi ynë parashikohet të jetë nën ndikimin e masave ajrore relativisht të paqëndrueshme ndërsa moti parashikohet me alternime kthjellimesh dhe vranësira, këto më të përqendruara përgjatë Ultësirës Perëndimore dhe zonave malore.
Sipas njoftimit në mesditë vranësirat do të pasohen nga reshje lokale shiu përgjatë relieveve malore në lindje dhe juglindje të vendit ndërsa era do të fryjë me drejtim veriperëndim me shpejtësi 1-8m/sek.
SHMU bën me dije se temperaturat parashikohen me rritje në vlerat minimale dhe rënie në vlerat maksimale:
- vendet malore 16°C deri në 27°C
- vendet e ulëta 20°C deri në 34°C
- vendet bregdetare 18°C deri në 32°C.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.