Si do të jetë moti gjatë kësaj jave?! – SHMU: Ka filluar ‘zyrtarisht’ stina e vjeshtës

Shërbimi Meteorologjik Ushtarak njofton se sapo ka nisur një javë me diell e cila nuk do të vijojë e tillë pasi parashikohet  të jetë me të gjitha karakteristikat e vjeshtës.

Sipas njoftimit deri pasditen e së Martës moti i kthjellët do të mbizotërojë në të gjithë vendin, më tej vranësirat do të vijnë në dendësim, për tu pasuar nga reshjet e shiut të cilat mëngjesin e së Mërkurës do të prekin bregdetin, ndërsa në mbrëmje në pjesën më të madhe të vendit.

SHMU informon se ditën e Enjte në të gjithë vendin reshjet do të jenë të vazhdueshme me intensitet mesatar dhe të lartë në pjesën jugore e atë bregdetare dhe hera herës do të ketë rrebeshe shiu me rrufe ndërsa ditën e premte intensiteti i reshjeve parashikohet i ulët e kryesisht në pjesën lindore të vendit.

Sipas informacionit këto situata do të pasohen nga erë me drejtim juglindje-verilindje mesatare dhe hera herës e vrullshme në ditët me reshje gjë që do të sjellë shtim të dallgëzimit në dete.

Temperaturat do të pësojnë luhatjet e veta si më poshtë:

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.