Si do të jetë moti gjatë kësaj jave?! – SHMU publikon parashikimin për të gjithë vendin
Shërbimi Meteorologjik Ushtarak njofton se java që presim përpara parashikohet një tjetër javë me reshje shiu e dëbore për vendin tonë, por përgjatë saj nuk do të mungojnë edhe ditët me diell.
Sipas njoftimit java nis me ditën e Hënë dhe mot me vranësira të dendura si dhe reshje shiu të vazhdueshme përgjatë të cilat do të jenë kryesisht me intensitet mesatar në formën e shtrëngatave por në orët e para të 24-orëshit deri në orët e mesditës në zonën e jug – jugperëndimit ato do të jenë me intensitet deri të lartë në formën e rrebesheve dhe stuhive ndërsa në relievet malore mbi 300metër parashikohen edhe reshje dëbore me intensitet mesatar të cilat zgjasin deri në orët e para të mëngjesit të ditës së Martë.
Sipas informacionit kushtet e paqëndrueshme atmosferike vijojnë edhe për ditën e Martë ku moti parashikohet me vranësira mesatare deri të dendura shoqëruar me reshje shiu të herëpashershme me intensitet të ulët dhe mesatar në formë shtrëngatash.
SHMU informon se për ditën e Mërkurë dhe relativisht atë të Enjte kemi një përmirësim të kushteve atmosferike. Moti parashikohet me kthjellime si dhe alternime vranësirash kalimtare ndërsa gjatë ditës së Enjte në zonën e veriperëndimit dhe jugperëndimit prej orëve të pasdites do të ketë reshje shiu të herëpashershme me intensitet të ulët deri mesatar në formë shtrëngatash.
“Java mbyllet me ditën e Premte dhe mot me vranësira të dendura shoqëruar me reshje shiu të vazhdueshme me intensitet të ulët deri dhe mesatar në formën e shtrëngatave ndërsa në zonën e Alpeve reshje të dendura dëbore,” bën me dije SHMU.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.