Si do të jetë moti këtë fillim fundjave!?

Shërbimi Meteorologjik Ushtarak njofton se për ditën e Premte vendi ynë do të vijojë të ndikohet nga masa ajrore të paqëndrueshme me origjinë jugperëndimore ndërsa moti parashikohet me kthjellime por edhe alternime vranësirash deri të dendura.

Sipas informacionit në zonën e veriperëndimit vranësirat do të shoqërohen me reshje shiu me intensitet deri mesatar në formën e shtrëngatave dhe stuhive ndërsa pas orëve të mesditës reshjet e shiut shtrihen gjithashtu edhe në pjesën më të madhe të territorit por me intensitet të ulët e lokalisht shtrëngata.

SHMU informon se era do të fryjë me drejtim nga kuadrati i jugut dhe shpejtësi mesatare 3-8m/sek, ndërsa përgjatë vijës bregdetare dhe zonat luginore intensive deri në 15-20m/s ndërsa era e fortë do të shoqërohet edhe me dallgëzim të lartë në det të forcës 4 dhe 6 ballë në brigjet e Jonit.

Temperaturat nuk do të pësojnë luhatje të ndjeshme:

në zona malore 10 deri 23 °C
në zona e ulëta 12 deri 28 °C
në zona bregdetare 14 deri 27 °C.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.